Awe mainta mi a bay subi Hooiberg y mi a bin realisa cu bida ta manera subimento di Hooiberg (pa esnan cu tin hopi tempo sin subi’e anto).
Bo ta yega cu speransa y determinacion pero asina cu bo cuminsa dal e prome pasonan cu tur e confiansa di mundo bo lo cuminsa sinti e kimamento den esunnan cu mas bo ta depende di dje (bo pianan). Alabes bo rosea ta manera corta un tiki pa style di convence bo pa baha bek, pero abo cu bo meta den cabes ta dicidi di sigui toch. Sikiera dos paso mas y bo ta pauze na cada banki bo dilanti, pero toch bo ta sigui.
Despues di un rato, sin cu bosa, ya bo tin mas cu mita di e cero subi, bo mes no por kere. Bo ta sinti e kishikishi di orguyo den ful bo curpa.
Despues di 500 paso tur cos ta bay un poco mas facil. Bo lo no ni worry pa bira wak atras mas. Aunke bo lo haci’e toch pa wak si mas hende a yega pa subi e cero y pa bo pura pa bo no mester bisa nan bon dia (aunke bo mama a siña bo otro).
Despues e pasonan ta cambia bira tres paso chikito y un paso un poco mas grandi. E meta cu bo a propone ya ta den bista. Bo ta yegando mas cerca di e top di cero y unabes ariba bo lo scucha e biento duro ta klap pa bo. Pa plega bo ta bay cana rond di e casita pasobra bo tin hopi tempo sin subi eyriba.
Bo ta sinti bon y satisfecho. Cla pa cuminsa enfrenta otro reto bo dilanti. E moral di e storia aki ta pa recorda boso pa tuma e pauzenan necesario cu lo yuda bo yega bo meta final eventualmente; celebra e logronam chikito pasobra nan tambe ta conta.
Ayo. Te otro biaha!
0 Comments